أحدث مقالاتي على صفحة سوبروومن بالفيسبوك، عن يوم المرأة المصرية في 16 مارس

.

لما بنحتفل اليوم 16 مارس بالمرأة المصرية القوية، مباشرة بيدور في دماغي شريط زمني مليان أحداث، مقاومة وتعب وعرق، وحقوق خدتها المرأة بخلع الضرس.

يمكن تتنسى وسط أخبار الحوادث، ورؤية العنــ ف حوالينا، علشان كدا لازم نحتفي بأيام زي دي ونفتكر سوا، مثلا إنجاز مهم أوي زي أن في 1956 قدرت المصرية القوية يكون لها حق الانتخاب والترشيح بعد إقرار دستور 1956.

.

ولأن الستات في كل مكان هما النور للأخريات في بلاد تانية، حابه تشوفوا الفيلم الأمريكي Iron Jawed Angels

اللي بيحكي عن مجموعة من الستات الامريكيات اللي بذلوا الغالي والرخيص لعمل ثورة في الحركة النسائية ومنح المرأة حق التصويت الإنتخابي، استخدامهن افكار وتكتيكات وحوارات سلمية وفعالة وغير عنيفة ولكنها قوبلت بكل عنف، خلانا نشوف قد إيه صعب ر اجل حاصل على حقوق ومميزات كتيرة أوي في مجتمعه معندوش استعداد أنه يترك حتى الفُتات لسيدات بيعيشوا معاه على نفس الأرض وفي نفس المجتمع بل نفس البيت.

.

عندما يتملكنا اليأس، عندما يظهر أحدهم من اللامكان يسألنا في حيرة المُغيب “الستات عاملين دوشة ليه؟”، وأن “الستات واخدة حقوقها” وإن وإن … افتكروا معايا الحقوق اللي كانت مفروض من المسلمات وبديهيات ولكن للأسف محرومين منها، وأننا كل يوم بنبذل جهدنا علشان نسترد حقنا في المساواة، والعدل وإننا نبقى بخير.

.

كل ست في مكانها، من اللي بترعى أولادها في بيتها، والست العاملة البسيطة، والطالبة، لحد سيدات الأعمال، إحنا بنصنع التاريخ هنا يا سادة

فــ كل سنة وكل ست مصرية طيبة.

.

لقراءة المقالة، يُرجى مراجعة اللينك بالأسفل

https://www.facebook.com/Superwomenstory/photos/a.353478531650374/1700890653575815/

#يوم_المرأة_المصرية
#حق_التصويت
#superwomen