::Photo credit goes to its owner::

دي وجبة من إختراع بابا .. كان بيحب يعمله لنا كنوع من الدلع أو كإنها خروجة لأحد المطاعم المشهورة بتقديم البرجر ..

وتحديدا كان بيذكر لنا اسم مطعم مشهور من أيامه كان اسمه “ويمبي” ( اللى عمري ما دخلته  ولا اعرف نظامه إيه، بس دا أسطورة محلات البرجر زمان بقى)

بابا وماما كانوا بيخافوا جدا من المطاعم بره،  وكانوا مش متأكدين من نضافتهم أو إخلاصهم في تقديم الأكل .. وكمان ماديًا مش هيقدر يصرف على وجبات لأربع أشخاص ..لذا

الموضوع سهل جدا .. برجر مُجمد ( وكان بيختار نوع جيد جدا علشان نبقى واثقين فيه )

بيحط 4 قطع برجر في طاسة مع شوية زيت ويقفل عليهم الغطا ويسيبهم شوية .. مع الكشف عليها كل شوية لتقليب الوجه علشان ضمان تحمير جوانب البرجر.

بطاطس مقلية .. بيض اومليت مقلي .. خبز كيزر .. خيار وطماطم

ثم يضع في كل طبق قطعة برجر، وبعض البطاطس ومثلث من البيض المقلي وشوية خيار وطماطم حلقات بشكل شيك في الطبق ..

بيقدم الطبق دا على ترابيزة قمت انا بتزينها .. لكل واحد عنده شوكة وسكينة وجنبها منديل على شكل بجعة .. وزجاجة الحاجة السقعة ونقعد ناكلها زي كإننا في مطعم ويمبي الحقيقي.