كوني نباتية بيخليني أبحث وأجرب وصفات، والأهم إني أضبطها على حسب المتوفر عندي 😅

فحبيت أشارك معاكم وصفة (كفتة اللوبيا) 💪

الوصفة:

لوبيا منقوعة يوم كامل بالميه.. بنغير الميه كل عدة ساعات.

بصلة + ثوم + ولميت بواقي التلاجة من خضار بيموت عندي 😅

فلفل رومي وجزر + بطاطس مسلوقة + بقدونس .. كل دا مطحون في بعضه.

التوابل: قليل من ملح هيميلايا + فلفل اسود + كزبرة ناشفة + توابل لحمة.

ونشكلها بالطريقة اللي نحب، أنا في الصورة عملت شكلين 😎

ندهن الصينية زيت زيتون .. ونضع الكفتة وفي الفرن، ونقلبها بعد نصف ساعة علشان تتحمر على الجانبين.

وصحتين على قلبكم 🥰

#وجبات_نباتية

#وصفات_نباتية