صديقتي الجميلة “سماح” قامت مشكورة بعمل الأفوكادو اللى كنت بزن إني عايزة أكله .. وبجانبه عملت بطاطس في الفرن لمعرفتها عشقي الأبدي للبطاطس .. وحمصت رقائق خبز جنبهم .. لذا الصورة اللى فوق هي الاطباق بحق وحقيقي 😉

هنبدأ بشرح وصفة البطاطس:

نحضر بطاطس متوسطة الحجم، نغسلها جيد جدا .. نقطعها نصفين بالطول .. وبالسكين نعمل خربشات على شكل مكعبات على الجزء العاري من القشرة ..

ندهنها بالثوم وزيت الزيتون والفلفل الأسود بإستخدام الفُرشاة المخصصة للطهي .. كل نصف نغلفه بفويل ورق الومينيوم/ ورق الومينيوم زي كإنك بتلف بنبونانية ونضعهم كلهم مُسطحين على صينية وفي الفرن .. 15 دقيقة تقريبًا على حسب نوع البطاطس، وبعدين نشيل الورق ونفتح الشواية اللى فوق بالفرن، او بدون شوايات ممكن نسيب السطح بتاع البطاطس ياخد شكل من حرارة الفرن العادية… وبكدا تبقى جاهزة (^0^).

وصفة الافوكادو:

وقت الشراء، انا اشتريت حبيتين مش ناشفين ولا برده يكونوا ناضجين تمامًا . حاجة في النص بينهم.

قشرتهم وقطعتهم لاربع ارباع ووضعتهم في الكِبة/ماكينة تقطيع البصل … ((ممكن هرسها بالشوكة)) ..

عصرت عليهم ليمون، وحطت ثوم (ممكن استخدام ثوم مطحون)) .. طحنت المكونات مع بعض، وضعتهم في صحن التقديم، وقطعت طماطم عليهم.. ((ممكن تقطعوا بصل كمان لو حابين .. وممكن اضافة كزبرة خضرا معاه))

صحتين 😉