ما العمر المناسب لممارسة الجنس لأول مرة؟
ضغط المحيطات نحو الخطوة دي يعادله نفس الضغط بالإبتعاد بكل قوتك عنها…
وفي الحالتين مفيش احترام للإنسان نفسه ورغبتك الحقيقة في تنفيذ قرار زي دا في وقت معين يناسبك وحدك..
بل إحنا بندور في عادات وتقاليد وأعراف سواء المنتشرة في المجتمعات العربية التي ترفض أي شيء متعلق بالجنس بإعتباره لعنة ومصيبة…
أو بالأعراف بين أوساط الأصدقاء أنك جاهل وساذج وأحمق لإنك لحد اللحظة لم تمارس الجنس، وفايتك كتيييييير.
بالإضافة لضغط الشريك اللي بيقع عليه نفس الضغوط، فيعكسه عليك ليمثل هو كمان سُلطة ضغط.
دا غير الأسطورة الخاصة بـ “أول مرة”، اللي لازم تنافس في دقتها وروعتها وإحساسها كل المتوقع وكل المتاح..
فتكتشف أنها كانت تجربة “هباب” أو عااااادي أوي، أو مش مفهومة ومليانة حيرة ولخبطة، فتشك في نفسك أن أكيد فيك حاجة غلط، دا الناس بتتكلم عن أساطير … فتعيش في بؤس ضياع “حلاوة البدايات”، فدماغك تلغي كل حاجة حلوة بعد كدا لإنها مكنتش “المرة الأولى”.
فتلاقي نفسك لبست في حيطة إنك بشكل ما بتنفذ لشريكك طلباته كلها بدون لحظة اعتراض وتفكير، رغم إن ممكن جدا إن فيه جزء من القرارات كان رغبة منك للإكتشاف والتجربة والمتعة وعايز تحققها، ولكن مش بالشكل دا وفي الوقت دا بالذات.
ولكن خوفك من الرفض، أو فرصتك إنك تقول لاء في أي مرحلة بتعيشك في رعب أن ممكن تتعرض للهجر من الشريك لما ميعجبوش كلامك مهما كان …
فدا بيخليك تكمل … فتوصل لمرحلة وسط حائرة مش عارف هل أنت المفروض تبقى “راضي” علشان منظرك أدام الناس فعايز تبان إنك بخير.
ولا أنت ندمان؟ بس غير قادر على تحديد الندم في أي خطوة بالضبط من اللي حصلت، فبقيت بتتعامل مع الحكاية إنها “شيلة واحدة /باكيدج” فتقع نفس الواقعة تاني وتالت لمجرد أنك خايف ومش محدد المشكلة حاصلة فين بالضبط من خطوات العملية.
وأخيرًا …
وسائل الحماية لجنس آمن مش رفاهية، للأسف فيه ناس كتير بتقع ضحــ.ية المعتقدات الخاطئة وإلحاح الشريك أنهم ميستخدموش “واقي” في العملية الجـنسية، فتكونوا عُرضة لأمراض جـنسية خطـيرة تهدد الحياة، دا غير مشكلة الحمل غير مرغوب فيه.
فيه واقي للسيدات كما فيه واقي للذكور، أسطورة انه بيلغي الإحساس مش صحيحة .. اختاروا النوع والمقاس الصحيح.
صدقوني محدش هينفعكم لو حصل ضرر، نظام يحدث للآخرين بيحصل عادي لينا ..
على الأقل أعملوا دا احترامًا للناس اللي فقدت حياتها زمان علشان يعرفونا أهمية وضرورة الجنس الآمن.
#safe_sex
#جنس_آمن
#واقي_جنسي
Leave a Comment