::Photo credit goes to its owner::
“اربط الحمار مطرح ما يعوز صاحبه”
وأمثال كتيرة كانت بتُقال لنا في صغرنا علشان تعلمنا أن دا “الإحتيال” أو دا “اللعب التلات ورقات” أو إنك مجرد “عبد للمال” ومبادئ تانية كتيرة مش هتخرج عن كونها أفكار سلبية.
ولكني أكتشفت أنها من ضمن حاجات كتيرة بنتعلمها غلط، الإنسان اللى بيعرف يقرأ الأشخاص اللى بيتعامل معاهم ويقدم لهم الشكل اللى يناسبهم هما مش اللى يناسبك أنت هو شخص مميزة جدا، بل فيه كورسات ودروس علشان تبقى شخص بالمهارة دي.
في خدمة العملاء كنت زمان بغلط لما ببذل كل جهدي مع كل فرد بقابله، وكنت وقتها بقول لنفسي “إنتي شاطرة” علشان بتعطي كل جهدك وبإخلاص شديد أوي، ومش بتبخلي زي ما أتعلمت طول حياتي
ولكن لاحظت أن طاقتي بتخلص، وأن فيه ناس مش بتفهم كل اللى بقوله لإنهم حصلوا على معلومات أكتر من حاجتهم، هما عايزين كلام محدد بـ (واحد، اتنين، تلاتة) وأروح المكان الفلاني وخلاص.
فاللى كنت بعمله كان “غباء” وإهدار للطاقة في غير محلها .. الذكي والماهر هو اللى بيقدر يعرف يعمل إيه وإمتى وأزاي مش زي ما كانوا بيضحكوا علينا زمان.
#تدوينة_كل_يوم
#اليوم_24
Leave a Comment