تحدي تدوينة يوميا – رقم 7

::Photo credit goes to its owner::

” ارجع يا زمان .. حِنّ يا ماضي ..أيام الحب ما كان .. ما كان عادي .. ولا كان الشوق للناس تهمة .. ولا نظرة عين وحنين أزمة “

للأسف إحنا عندنا حنين “للقديم وللمفقود” علشان نحسس نفسنا إننا بخير ومُتّزنين.

فالزوج اللى مات كان رائع وجميل ومفيش زيه، رغم إنه كان في الواقع بيشتغل “جزمة” بعد الضهر.

الحبيب اللى سابك في حادثة يشهد عليها طوب الأرض، فجأة يتحول لقديس وإنه ياللى كنت مستّتني .. “دا أنا مشفتش حب الا على ايدك”

مش لازم كل حاجة قديمة كانت روعة .. فيه حاجات حلوة وحاجات عادية وحاجات وحشة… زي دلوقتي ما كدا كمان ..

الثبات والإتزان بييجي لما نعمل حاجة حلوة… إننا نحترم البشر .. إننا منبقاش عُنصريين .. إننا نحترم المشاعر الإنسانية ومتبقاش جريمة ..

مش نتمحّك في ماضي كان جاهلي بكل الغباوة اللى في الدنيا ولسه الحمدلله على نفس الغباوة ولكن في زيّها الجديد.

زمان كان الحب عيب وقلة أدب .. دلوقتي الحب بيتقال عليه حرام علشان بلاعة التطرف الديني المفتوحة في وشنا الحمدلله.

فالنتيجة واحدة بإختلاف الأزمان 🙁

————————

*مقطع الأغنية من تتر مسلسل “قصة حب””