::Photo credit goes to its owner::
في الحلقة السادسة من مسلسل #سجن_اختياري كان شخصية “زياد/زيزو” – اللى بيقوم بدورها الممثل “حاتم صلاح” – بتفضفض لوحدها كدا بدون ما حد يطلب منها دا، بل مظنش أنه أختار الشخص اللى قاعد جنبه لسبب معين بقدر إنه مجرد حد قاعد غريب والسلام.
فكرني بدكتور “أحمد خالد توفيق” لما بيتكلم عن السحر الموجود في العلاقة اللى بينك وبين الشخص الغريب اللى قاعد جنبك بالقطار …
أنت متعرفوش بعض، ومش منتظرين حاجة من بعض، ومفيش أي توقعات، مفيش آمال، مفيش خيبة أمل، مفيش نصايح خزعبلية .. مفيش أي حاجة خالص غير الإستماع والمغادرة بهدوء بدون خوف من فضح أمرك، من عتابك، من إن صورتك تهتز أدامه.
مكان وعلاقة تنتهي فيها مشاعر الخوف والقلق وكل المشاعر السلبية، كإنك بترمي أحمالك عند باب أحدهم وترحل هكذا بهدوء.
أنا بحب العلاقات دي جدا، مش عارفة هل بقيت كدا بسبب إني بقيت بكبر
و I’m too old for this shit فمش عايزة عتاب وقرف العلاقات التقيلة اللى بتقل روحي أكتر من الدنيا بترمي بتقلها أصلا …
ولا علشان تكرارالمشاعر السلبية اللى بقت موجودة في معظم العلاقات حوالينا، حيث العتاب الدائم والأبدي، اللوم، الهجر، الوجع، الخوف والقلق أنك مش مفهوم ومحدش حاسس بيك أو خايف صورتك تتهز أدامهم لأي سبب …
إحنا دائما محتاجين لهذا الغريب الذي في القطار الذي لن نراه مرة أخرى وسيحمل معه أسرارنا.
#سجن_اختياري
Leave a Comment