ولو إنتم عائلة أوأكثر من شخص سيشرب منها، ممكن تضعوا كل محتويات الكيس اللي مليان البودرة في زجاجة ماء كبيرة بشرط إنها تخلص اليوم، لا تتركوها لليوم الثاني لأنها ستفسد.

لماذا كل هذا؟

في الحر الشديد، والتعرض للشمس، والمجهود جسمنا بيفقد الأملاح المعدنية اللي فيه فستجدوا أنفسكم تعانون من صداع رهيب، دوخة، شعور بالغثيان، وجع بالعضلات، شعور إنكم مش مضبوطين ومش بخير … فلما بتاخدوا الأملاح دي بترجع للجسم والأعراض بتختفي.

الأملاح المعدنية غير الملح اللي بناكله، دا حاجة مختلفة تماما، الملح بتاع الأكل ممكن يسببلك أعراض تعب في الحر على عكس الأملاح المعدنية… لذا أرجو عدم الاستهانة بالموضوع دا لإن فيه ناس بتموت بسبب الجفاف الشديد دا.

– حاولوا تاكلوا موزة واحدة يوميا، بتضبط نسبة البوتاسيوم ودا بيساعد الجسم يستعيد عافيته من الجفاف.

– هو فيه اقتراح مش مفيد بدرجة كافية ولكنه ممكن يساعد شوية لو الدنيا صعبة، شوية “سفن أب” – لا أقصد الماركة بل أقصد ميه بيضا بالصودا زيها – كان عادة اللي بيصاب بالجفاف بيقولوا له يشرب شوية لإن الصودا والسكر فيها بتعدل الموقف.

– لو تصادف جو شديد الحرارة أثناء صيامكم، وشعرتم بأي تعب شديد… افطروا، ربنا مش عايز ناس ميتة بل عايز ناس قادرة تعبده .. وكمان مضمضوا بالماء زي الوضوء، مضمضوا لا تشربوها وكدا صيامكم شغال وعزة جلال الله 😀