So what you said now is only one god, Allah, and Mohamed the messenger of Allah, and at this point all your previous beliefs are forgotten.
– Yes, sir
– Congratulations brother,
you’ve made the right decision, and that’s the greatest success you could ever
achieve, from now.. No drugs, no alcohol, and no sexual relations without
marriage.
– But I can marry 4 women, right?

في مشهد وحيد وسريع من الحلقات الأولى من مسلسل “لعبة نيوتن”، قدروا يحطوا إيدهم على الوجع … هو يبان مشهد مُبهر، الشيخ “مؤنس” قدر يقنع حد يغيّر دينه، ولكن الحقيقة قدرت تُعلن عن نفسها في الكلمات اللي نطق بيها السجين.

التعدّد .. فجأة تحوّل دين كامل فيه مبادئ وقيم بتضيف لقلبك وروحك، لمجرد حماس جنوني بيمكّن “الرجل” من الزواج من أربعة بدون أسباب ولا شروط ولا حتى حسيب أو عواقب..

حاجة من أبو بلاش كدا، على عكس القانون الأمريكي الذي لا يسمح بالتعدد، والنساء هناك حقوقهن واضحة وأي محاولة إعتداء عليها ستتسبب في سجنك، أو تقاسُم ممتلكاتك..

ولو قولنا طيّب الست وشعورها بعدم الأمان والخيانة والإهانة، وإنك بتحرم الست من حق إنساني في اختيار مصيرها، بل وحتى اختيار الطلاق للضرر يعني معاناة وأذى طويل لأن القانون في مجتمعاتنا لا يحميها على عكس الرجل، يطلع حد يكفّرنا ويصرخ “إيه يا شيخة! * مدرسة المشاغبين ستايل*

ولكن دي خلاص بقت واجهة الدين أدام العالم كله، مجرد ناس مش بتهتم بالإنسان ومشاعره وكرامته، ولا قدسيّة الزواج والعِشرة، وأن كل الهم هو إشباع رغبة السيطرة والجنس لدى الرجل، رغم أن الدين نفسه أصلاً وضع قواعد صارمة في التعدّد وأسبابه وذكر حقيقة أنه “ولن تعدِلوا”.. ولكن إزاااااي؟

“مكنتش عارفة إن في اختيارات تانية” مسلسل خلي بالك من زيزي – الحلقة 25

في مجتمع غير داعم ومؤذي زي اللي إحنا فيه بيكون عنده الجراءة إنه يتّهمك إنك مش قوية كفاية، إزاي مقدرتيش تشوفي طريق الخروج المفروش بالشوك والضلمة اللي هناك دا “ياخانعة يا غبية”؟

أصل مجتمعنا ميزته إنه الشيء وضده، فلو مانجحش معاكي من خلال حصارك بكلمات ليها طابع ديني علشان ترضي عن الأذى، يخوّفك بالقانون إنك هتبيعي اللي وراكي واللي أدامك، لو منفعش دا كله، يبقى يهزقك ويمسح بكرامتك الأرض لو رضيتي بالوضع علشان ينام مرتاح الضمير .

في أمريكا وقت مظاهرات الدفاع عن black lives matter/ حياة السود” كان كتير من أصحاب البشرة البيضاء مش قادرين يتفهموا معاناة أصحاب البشرات الملوّنة ومدى المعاناة اللي بيتعرضوا لها في بلد الحريّات، لحد ما بعضهم قرّر أن يضع نفسه لمرة مكان من يُعاني فنزلوا بنفسهم لأرض الواقع وشافوا، وقتها صُدموا إنهم بالفعل كان لديهم امتيازات منذ الولادة بسبب لون بشرتهم لم يتوقّفوا عندها أو يفكّروا فيها للحظة.

لذلك تأتينا الدراما..علشان تكون هي سبيلك لخوض تجارب أناس آخرين وإنت في مكانك، تاخدك في جولة للمناطق اللي لم تُفكّر أن تقربها يومًا.

#حصيلة_دراما_رمضان٢٠٢١
#لعبة_نيوتن
#التعدد
#أدعم_قانون_منع_تعدد_الزوجات_في_مصر
#لا_لتعدد_الزوجات
#علاقات_مسيئة
#مجتمع_ذكوري