لعاشقين العجة أو أومليت الخضار ولكن بدون بيض أمثالي، أنا نباتية لسبب يعني 
بكره استخدام البيض جدا وريحته المزعجة… لذا بعد متابعة لوصفة على الإنترنت قررت أجربها.
مفهمتش ليه قالت بالوصفة نخلط بدقيق رغم إننا بنشتغل بدقيق الحمص أصلا فعملت زي ما قالت، بس طبعا مش عندي دقيق قمح فخلطت ب دقيق شوفان.
أول مرة جربت الوصفة وضعت الخضرة – بقدونس وشبت – على الوش مش مخلوط مع العجينة.. هو مفرقش كتير بس كان هيبقى أحسن تبقى من محتوياته مش على الوش بس.
وطالع القالب سميك، كنت عايزاه أرق، لذا قللت الكمية المرة اللي بعدها ..
اللي استخدمته كباية معيارية.. الخضار كان بصل أخضر، بقدونس، طماطم شيري، فلفل رومي أحمر وأصفر…
التوابل: ملح وفلفل اسود وبودرة بصل وبودرة ثوم وشوية شطة.
الطعم والريحة: الريحة ظهرت لما اكتمل تسوية الجانبين، وكانت ريحتها عجة بيض العادية .. الطعم لطيف كان صعب أحس أنها معمولة بطريقة مختلفة وخالية من البيض تماما.
في المرة الثانية:
قطعت طماطم صغير، فلفل رومي أخضر، بصل أحمر، مشروم مجفف، كابري مخلل… بشرت بطاطساية صغيرة.
استخدمت كوب معياري صغير دقيق حمص + معلقة بديل البيض (اشتريته من سوبرماركت سعودي، بدون جلوتين، معلقة واحدة تساوي مقدار بيضة )
توابل: بودرة ثوم، ملح، فلفل اسود، شبت مفروم.
الوصفة الأصلية خدتها من هنا:
—————————–
Leave a Comment