تحدي تدوينة يوميا – رقم 17

::Photo credit goes to its owner::

لسبب مجهول في مقارنة بين الفنانة “فاتن حمامة” و أي فتاة عموما أو ممثلة خصوصا ممثلات عصرنا الحالي …

“فاتن حمامة” لون مختلف عن غيرها .. بل مفيش أصلا حد في الدنيا شبه بعضه .. كل بنوتة ليها نكهتها وملامحها وطريقتها علشان تعرفها …

نظام إن الناس حابة إن “فاتن حمامة” كانت “ليدي ومن أرض البنات” من وجهة نظرهم مش معنى دا إن البنات التانية غجر وإنه ياريتك تبقى زيها …

مش لازم كل البنات تلبس فساتين .. مش لازم تكون كل البنات بتلبس جزمة كعب عالي .. مش لازم تكون بتحط مكياج خفيف .. مش لازم تتكلم بصوت واطي …

فاتن حمامة حلوة في مكانها بشخصيتها بكل حاجة فيها .. وبرده كل بنوتة حلوة نكهتها الخاصة … لنتوقف قليلا عن قولبة البشر… لو كان الافضل نبقى متشابهين كان ربنا عملها من الأول بدل وجع القلب اللى احنا فيه دا.

كل البنات “ليدي” بإختلافها عن غيرها في شكلها ولبسها وطريقتها وكلامها وأفكارها

#تدوينة_كل_يوم
#اليوم_17

Leave a Comment