تحدي تدوينة يوميا – رقم 11

::Photo credit goes to its owner::

“فلان يا جدع عمره ما بيتغير… أوف”
تقريبًا كل حد فينا قال الجملة دي في لحظة ما …

بل فيه أساطير بتُحكى للفتيات الغلبانة إنها تقدر تغير شاب أتعرفت عليه وتخليه يبطل يبقى “وغد ” صغير ..

وفيه شباب عايشة وهم أن لما هتجوز فلانة هخليها تمشي على العجين متلخبطوش وتبقى بني أدمة.. فلو كانت راقصة/فنانة بكل صورها/ليها استايل معين “فبإذنك يارب هخليها ترجع عن هذا الفسق والعصيان”

بعد الكثير من التفكير لسنوات بقيت بعرف بكل سهولة أي شخص أمتى هيتغير، ودا لا سحر ولا شعوذة 😎🧐

هقولكم على السر علشان نعرف كلنا 😉

الناس بتتغير ((فقط)) لما “تحس أن فيه عندها “سبب” وأن فيه “مشكلة” أساسا محتاج منهم أنهم يقرروا أن الطريق /الإسلوب يتغير وياخدوا سكة تانية ..

محدش بيتغير علشان إحنا بس عايزينهم يعملوا كدا .. زي ما أنت مش حابب حد يصحى من النوم يقرر يشتغل رسول بعد الضهر ويجي يقرفك ويستغرب أنت ليه زي ما أنت و “مش بتتغير زي ما هوه عايز”

لحظة “الوعي” هي اللى بتخلينا نقرر هناخد إيه، ونسيب إيه، ونغير طريقنا لحتة تانية .. حتى لو مش واضح إحنا هنروح فين، بس الأكيد إننا هنتحرك من المكان القديم لحاجة تانية.. و دي ومش بالساهل، فلازم يبقى عندنا سبب لدا ولا إيه

#تدوينة_كل_يوم
#اليوم11
#تغيير

 

 

Leave a Comment