تحدي تدوينة يوميا – رقم 10

::Photo credit goes to its owner::

الصورة الموجودة في اللينك دا
بعيدًا إنها بتوضح أننا مع التمرين مقدرتنا على الرسم/التعبير/عمل حاجة بتكون أكثر إحترافية ومهارة .. ولكن أنا شوفتها كمان من منظور تاني
 
الملامح …
 
لما بتفرج على صور ليا أو لأي حد زمان، بلاقي ملامحنا مختلفة تمامًا عن دلوقتي، الناس مباشرة بتقول “أكيد فلان عمل عملية تجميل”، أو “شوفوا لما النعمة تبان عليك) ويقصدوا الفلوس اللى هتخلينا نروح لمراكز تجميل ونعمل عمليات.
 
بس الحقيقة هي إن ملامحنا بتكبر معانا، دائما بشبه صوري وأنا صغيرة زي الطبخة اللى نبدأ بنحط فيها المكونات وبنسيبها على النار .. حاليا أنا في الثلاثينيات والأكلة نضجت وملامحي ظهرت واضحة وقوية وبعد كدا مش هتتغير ملامحي بالشكل بتاع زمان، هي مجرد التجاعيد بتاعة السن لما بنكبر أكتر.
 
متابعة نضج الملامح دا حاجة جميلة أوي، مش بس علشان أعرف إني بكبر، بل كمان بتخليني أرضى عن نفسي زمان وبصوري العجيبة 😀
 
———————————
* الصورة من رسم anaisgonzalez_3
لذا مش هعيد رفع الصورة وحدها، من حقه أننا ندخل نشوفها في مكانها ونعمل شير لها لو عجبتنا
 
 
 
#تدوينة_كل_يوم
#اليوم_العاشر

Leave a Comment