للمشاركة في مشروع الألف صوت/ One Thousand Voices

المشروع المميز ‘One Thousand Voices’ يهدف من لجمع 1000 صوت لفتيات وسيدات حول العالم أتعرضوا “لتشويه الأعضاء التناسلية/الختان” وبيحاولوا يتعاملوا مع التجربة دي ويكملوا حياتهم، أو بمعنى أصح الناجيات من هكذا مأساة..
 
كل التسجيلات الصوتية دي بيتم جمعها في ملف واحد يُعرض في معارض حول العالم.. لنقل التجارب للآخرين وكسر حاجز الصمت اللي بنعيش فيه.
 
أنا لست مسئولة عن المشروع بل هو تحت إدارة الصحفية الجميلة “كاتيا” وأنا مجرد مشاركة فيه بشهادتي لا أكثر ولا أقل … وحابه ناس تانية تشارك كمان.
 
المطلوب:
– تسجيل صوتي لا يتعدى 5 دقائق…(سجلوه عن طريق برامج الصوت في هواتفكم الذكية، أو سجلوه في الواتس آب كملف صوتي ثم أرسلوه).
 
– الشهادات الصوتية هتكون من أشخاص شاهدين على خوض أنثى في حياتهم للختان سواء عملته أو ربنا نجاها من التجربة دي /بنات اتعرضوا للختان/ بنات نجوا ولم ينفذ فيهم الختان …
 
لا يوجد تحديد للأعمار أو للجنس… يعنيي مُرحب بشهادات من شباب.
 
– أرجو إن التسجيل يكون من مكان هادئ ويكون الصوت واضح.
 
– اختاروا اللغة التي تناسبكم في تسجيل شهادتكم/ testimony ولكن في حالة اختيار لغة غير الإنجليزية، يرجى إرفاق ملف فيه ترجمة إنجليزية نصية للتسجيل الصوتي.
 
– ذكر الإسم/العمر/الجنسية/الديانة خلال شهادتكم .. ومن لا يرغب في ذكر اسمه فـ له مطلق الحرية.
 
– مراسلتي بالمحتوى على الرسائل على الإيميل (مع كتابة عنوان واضح ليسهل عليا إيجاد الرسالة)
وأنا هقوم بإرسال ما جمعته للمسئولين عن المشروع.
 
بعتذر مُقدمًا في حالة وصلني حاجة مش مكتمل المطلوب فيها للأسف مش هقدر أرسلها.
 
أخيرًا… أنا على أتم إستعداد اسمع أي حد حابب يشارك، أو حتى حابب يكلمني في الموضوع بشكل عام… دا حسابي على “الصراحة” علشان تكونوا مرتاحين أكتر
 
أعملوا شير للبوست، وقولوا لأي حد حابب يشارك …
 
بالتوفيق ليكم <3.. قلبي معاكم لإن التسجيل فعلا مرهق، بس إحنا حقيقي محتاجين كل الناس تتكلم وتحكي .. على الأقل الوجع والذكرى تخرج من جوانا .. ونعرف إننا مش لوحدنا في التجربة دي، وقلوبنا على قلوب بعض.
 
 
 

Leave a Comment