الباص السياحي بالإسكندرية

::Photo credit goes to its owner::

هذه عبارة عن تجميع معلومات عن الأوتوبيس السياحي الذي يمشي على بطول طريق الكورنيش بالإسكندرية … حيث قمت بسؤال  صفحة إسكندرية 360 عن بعض المعلومات للوصول لها لكي تكون سهلة لكم ..

لقد جربت هذا الباص مرتين من قبل، وكانت تجربة مميزة بحق /(^0^)\

– الباص بيمشي بطول البحر

– عبارة عن طابق سُفلي مقفول، وطابق علوي مفتوح

– سعر التذكرة حاليا حتى يوم كتابة التدوينة هو 10 جنيهات للخط الكامل

– خط سير الجولة: من موقفه في “بحري” حتى المنتزه ثم العودة مرة أخرى.

simple Break

– طريقة الوصول له:

* ممكن تلاقوا على طريق الكورنيش في أي نقطة تركبوه منها، شاوروا ليه عادي.

* من محطة مصر .. في اختيارين، أولاً في ميكروباصات من المحطة لبحري “اسمه بحري” هتنزلك بالضبط عند موقف الباص الأحمر السياحي .. ودا آخر الخط بتاعها أصلاً .

أوميكروباص بحري منشية .. الاتنين آخر خطهم في الآخر واحد.

ودا بنوصل له بإنكم تخلوا باب المحطة ظهركم .. هيكون في صينية ميدان قدامكم .. هتقطعوها من النص وتكمل لحد ما تشوفي موقف أوتوبيسات نقل عام .. موقف بحري هناك كمان معاهم ..الأجرة 2 جنيه… أو ممكن تاكسي من باب المحطة لحد هناك ودا هيكلف من 20 لـ 30 جنيه.

* من الموقف الجديد في محرم بيك:

غالبا مش هيكون فيه ميكروباصات بحري مباشرة .. لذلك تقدروا تاخدوا من هناك ميكروباص “المحطة” – اللى هي محطة مصر بس هما بيسموها كدا – أو منشية .. ومن المنشية أو المحطة هنقدر نوصل لبحري بسهولة .. والأفضل المنشية لإن طريق أسرع وأهدى وأحلى .. ومفيش مشي ولا حاجة .. مكان ما هينزلكم الميكروباص – المهم تكونوا في الجنب اللى فيه الكورنيش – هتركبوا بحري مباشرة بمجرد ما تشاوروا لأي ميكروباص وتسأليه إذا رايح بحري ..

simple Break

* الباص بيدخل للمنتزه، بياخد جولة جوا كمان..

بنعرف أنه خلص جولة الذهاب لما الكمسري يوضح أنهم يالا أنزلوا، ثم بيروح الباص للموقف بتاعه في المنتزه يقف شوية ويحمل الركاب اللى راجعين قبل ما يبدأ الرحلة العكسية.

لو أنتم في المنتزة وخلصتم تمشية وفُسح وعايزين تاخدوا الباص ترجعوا بيه، أمشوا من أي مكان لحد البوابة، ومن البوابة اعبروا الشارع وتمشي دقيقتين وصولاً للموقف بتاع الباص.

simple Break

معلومة فرعية:

-يمكنكم تجربة أوتوبيس كهربي جديد، على نفس الخط ونفس سعر التذكرة، مكيف + وواي فاي ولكنه مقفول زي أي باص عادي.

– بحري مقصود بيه منطقة بحري

– طول البحر يبقى اسمها (بحر) أو (كورنيش)

#أليكس_360

#الإسكندرية

#سياحة

#أوتوبيس_سياحي

#كورنيش_الأسكندرية

Leave a Comment